भ्यालेनटाईनमा सौराहाका हात्तीलाई पिकनिक

दीपक कार्की…………………………….. , 

चितवन, फागुन २–

आज प्रेम दिवस । युवा युवतीहरुले गुलाबको फूल उपहार दिएर एक आपसमा माया साटासाट गर्दछन् ।

पर्यटकीय क्षेत्र सौराहामा प्रेमील जोडीहरुको भिडभाड छ । मानिसले मनाउने यो दिवसमा सौराहाका हात्तीहरुमा पनि रौनक छाएको छ । मानिसले मात्रै प्रेस साटासाट गर्ने आजको चितवनमा क्षेत्रीय होटल संघ रेवान सौराहाले यसपटक हात्तीहरुलाई पनि रमाईलो गराउने उद्देश्यले हात्तीहरुको पिकनिक गराएको छ ।

माघ २८ गतेदेखि सुरु भएको १२ औं सौराहा फुडफेस्टिवलको मेसोमा रेवान सौराहाले हात्तीको पिकनिक गराएको हो । रेवान सौराहाका अध्यक्ष गोकर्ण गिरीले मानिसहरुले प्रेम साटासाट गर्ने दिनमा हात्तीको पिकनिक गराईएको जानकारी दिनुभयो ।

पिकनिकमा सौराहामा रहेका ६५ वटा हात्तीलाई सहभागि गराइएको थियो । हात्तीहरुलाई मिठा मिठा फलफूलहरु खुवाईएको थियो । हात्तीको पिकनिक हेरेर सौराहामा रहेका विदेशी पर्यटकहरु दंग परेका थिए । आज प्रेम दिवसको दिन भएर सौराहामा आन्तरिक तथा बाह्य पर्यटकहरुको बाक्लो उपस्थिति रहेको छ ।

रेवानको आयोजनामा जारी फुड फेस्टिवल भोली सकिदैछ । फेस्टिवलमा विभिन्न साँस्कृतिक प्रस्तुतीसंगै विभिन्न खानाका परिकारहरुको स्टलहरु रहेका छन् ।चितवनको पर्यटकीय नगरी पटिहानीमा भएको प्रथम मेयर कप अन्तराष्ट्रिय आमन्त्रण महिला भलिबलको उपाधि सशस्त्र प्रहरीको एपीएफ क्लबले जितेको छ । मंगलबार सम्पन्न भएको फाइनल खेलमा प्रतिस्पर्धी टिम शिवम् न्यू डायमण्ड काठमाडौंलाई ३–० को सोझो सेटमा पराजित गर्दै एपीएफले उपाधि जितेको हो ।

पहिलो सेटमा प्रतिस्पर्धात्मक २९–२७ को जित हात पारेको एपीएफले दोस्रो सेट २५–१६ र तेस्रो सेट २५–२१ ले आफ्नो पक्षमा पार्याे । उपाधि जितेको एपीएफले २ लाख रूपैयाँ नगद पुरस्कार, ट्रफि र प्रमाणपत्र पाएको छ । दोस्रो बनेको न्यू डायमण्डले १ लाख पुरस्कार सहित ट्रफि र प्रमाणपत्र पाएको छ । यस्तै तेस्रो स्थान नेपाल पुलिस क्लबले हात पारेको छ । नेपाल आर्मीलाई २५–१६, २५–१९ र २५–२० को सोझो सेटमा ३–० ले पराजित गर्दै पुलिसले तेस्रो स्थान हात पारेको हो । पुलिसले ५० हजार र सान्त्वना स्थान हासिल गरेको नेपाल आर्मीले २५ हजार नगद पुरस्कार जित्यो ।प्रतियोगिताको उत्कृष्ट खेलाडी एपीएफकी सरस्वती चौधरी भएकी छन् । उनले नगद १० हजार पुरस्कार पाएकी छन् । त्यस्तै न्यू डामयण्डकी प्रतिभा माली वेष्ट स्पाइकर र यसै क्लवकी कृपा अधिकारी वेष्ट सर्भर भएकी छन् । नेपाल पुलिसकी कमला पुन वेष्ट सेटर, एपीएफकी उषा विष्ट वेष्ट ब्लकर, एपीएफकी मनिषा तामाङ वेष्ट डिफेन्डर र आर्मीकी निकता ठगुन्ना नयाँ प्रतिभाशाली खेलाडीका रुपमा पुरस्कृत भएका छन् । उनीहरुले जनही नगद ५ हजार पुरस्कार पाएको प्रचारप्रसार संयोजक रामहरि सेढाइले बताए ।

समापन कार्यक्रममा प्रमुख अतिथि नेकपा एमालेका वरिष्ठ नेता तथा पूर्व प्रधानमन्त्री माधवकुमार नेपालले विजेता टिमलाई पुरस्कार वितरण गरेका थिए ।

Comments

comments